❗ Existe un cambio de paradigma nos últimos anos á hora de publicar pezas coreográficas gravadas con planificación anterior. O algoritmo prioriza a aqueles perfís máis populares, sen intención de obter un resultado con calidade.
🌊 Os valores da marca Galicia Ruando van máis aló do deportivo: é unha ponte entre a cultura da danza urbana e a inclusividade das referenzas á comunidade autónoma. Pretende posicionarse como fusión do máis tradicional galego, e os aires de modernidade e actualidade de dita actividade deportiva. Mistúranse elementos típicos da cultura galega con elementos básicos da danza urbana.
➡️ Faise fincapé en factores de empoderamento (como a sexualidade dependendo en que estilos, ou revisar as orixes sociais e de protesta). Engadido ao anterior, todas as pezas publicadas en Galicia Ruando gozan de plena autenticidade (de propia edición e produción propia). Apóstase, pois, polo factor informativo (para unha correcta normalización da danza urbana en Galicia) e democratizador deste deporte.
➡️ Mediante a publicación das diferentes pezas preténdese crear comunidade de audiencia, establecendo unha rede entre espectadores, persoas interesadas nesta disciplina e academias, escolas, formacións e profesionais dentro da comunidade galega.
✅ Un dos obxectivos é a estandarización e popularización da calidade audiovisual á hora de producir pezas de contido da danza urbana, con material accesible e priorizando definición de imaxe. Ademais, a vontade de Galicia Ruando tamén é:
▫️ Aumentar a visibilidade do talento de persoas bailarinas galegas a través das diferentes publicacións nas plataformas, así como colaboracións con escolas, formacións e marcas de contidos achegados
▫️Breve investigación sobre a danza urbana no mundo e en Galicia.
▫️Aumentar a visibilidade da cultura da danza urbana (en galego) sen necesidade de moverse fóra da comunidade.