📲Galicia Ruando foi pensada coa vontade de crear un espazo único onde a danza urbana se exprese e se viva en galego. Esta marca naceu a comezos do ano 2025 como proxecto de TFM do Máster en Comunicación en Medios Sociais e Creación de Contidos Dixitais da Universidade de Vigo, e pretende continua a posteriori para brindar a maior publicación posible de contidos arredor desta disciplina artístico-deportiva.
🌟 O nome ven da fusión entre a identidade da comunidade autónoma e a acción de ruar (moverse), o que podería estar ligado co concepto de movemento na danza urbana. O termo tamén podería reflectir unha idea de fluidez, de ritmo. É un guiño aos guetos marxinados minorizados de EEUU, berce da danza urbana. A inspiración tómase da canción RUANDO, colaboración entre Mondra -Martín Mondragón- e Aida Tarrío -compoñente do trío Tanxugueiras-.
💡O proxecto botou a andar como unha iniciativa independente que mestura práctica e paixón polo deporte en cuestión, identidade galega e contidos dixitais de calidade en cada un dos 3 perfís en redes sociais:
1️⃣ en Instagram (@galiciaruando_): expóñense os valores da danza urbana, procesos que xurden nunha aula de baile, conmemoracións, explicacións sobre os diferentes estilos da danza urbana, a presencia desta en eventos e persoas bailarinas invitadas.
2️⃣ en Tiktok (@galiciaruando_): challenges, trends de danza urbana, titoriais sinxelos nos que se expliquen movementos básicos dos estilos de danza urbana, resumos mostrando o proceso creativo dunha peza coreográfica e a rutina dunha persoa que practica este deporte, mostra de eventos de danza urbana na comunidade galega, backstage do traballo dunha persoa bailarina, vestiario, e acondicionamento físico con dieta equilibrada.
3️⃣ en Youtube (@galiciaruando): entrevistas de persoas bailarinas urbanas de Galicia. En cada un dos capítulos trataranse temáticas específicas sobre as saídas (tanto formacións educativas como profesións) da danza urbana. Neles inclúense historias persoais e consellos para quen quere dedicarse a este mundo.
Entón… atrevédesvos a ruar?😜